(1)ابني اني من جنت ابكدك طالب واشتغل اروح للدوام من الصبح وراها اروح للشغل بل 2
واخلص شغل بالخمسة اروح اقرة جوة عامود الكهرباء الي على الشارع العام لحد التسعة وراها اروح للشغل
الثاني وابقة كاعد للستة ونص واكعد بالسبعة اروح للدوام
(2)هسة نجي على الكشخة والترتيب من اتشوف ابنك كاشخ ويريد يطلع وانتة لابس دشداشة مشكشكة
وكاعد على كرسي بالحديقة تراقب نمو النخلة وجم تمراية بيهة ..اكيد راح اتضوج فاتكمشة بشوية همبلة وتكلة
ابني هاي شنو اشلابس شنو هالخربطة شلابس ..اني من جنت ابعمرك جنت اكشخ شاب بالمنطقة جنت من
افوت بشارع البنات كلهن يوكفن يباعن علية .ولتشوف كرعتي هسة كاعد تلمع ..جان شعري اخلص عليه اربع
قواطي جل يلة تكفي ..واسئل امك اشلون كتلت روحهة علية (طبعا لا كشخة ولا شي كاضيهة كلهة حضر تجول
ولابس نعال مكتوب عليه 2005 معاد وبجامة مخططة وشغلة مال اول .
(3)هسة من تكعد يم ابنك وهوة كاعد يسوق ...راسا كلة ليش المسجل هيج عالي ..وشنو هل سياقة ..باباتي
اني من جنت ابكدك جنت امشي بين الدبابات والهمرات وجانت الاباتشي اطير فوكايه وما يلحكون بية وعلى شرط
ابطسة وحدة ما افوت ومرة جنة على طريق العمارة وصاحبي كاعد يسوق وجان اكلة دير بالك ترة اكو ابطريق
البصرة بسمار وبصفة نملة كاعد تعبر وجنت اكلة اسمع مساري ورعد الناصري وكلة سفرات ما بقيت لا شمال لا
عمان لا سوريا لا لبنان تعتب علية ومرة جنت اني وصاحبي على الخط السريع وهستوني امفول السيارة
وسوالف سوالف وحجي ومنشوف نفسنة الا على حدود افغانستان وباكستان .انتة راح اتشوف ملامح ابنك مال
واحد مدا يسمع ومنطيك الطرشة فاتاكد انه امه كلتلة ترة ابوك يهنبل..
تحيـــــاتـــــي 33):33):33):33)
اليومية
